mig33syrian.wap.sh
Room
Sham Al yasmine
By Sivanooo

قواعد روم شام الياسمين
صمم هذا الموقع بأكمله من أجل هذا القسم بالتحديد لكي يلتزم به جميع مشرفين الروم
ولكي يستطيعو الاستفاده من هذا الموقع في أداء مهامهم وساقوم بمساعدة الجميع من خلال
تزويدهم بالبرامج اللازمه وتعليم المستجدين بطرق استخدام الباند وفك الباند في حال كانت الروم
مربوطة بكروب أو لم تكن مربوطه
أما القواعد التاليه فيجب الالتزام بها بشكل حتمي لأنني تعبت في تصميم الموقع لتحقيق هذا الهدف وليرتاح جميع افراد أسرة الروم
بحيث يتاح لهم التصرف وفق هذه التعليمات ومعاقبة من لم يلتزم بها مهما كانت علاقتنا به
يعني باختصار مين ماكان يكون لو كان اقرب صديق إلنا اذا ما احترم هالكلام معناها ما احترمنا إلنا بشكل شخصي
وبعتبر هالصفحه بمثابة تبليغ شخصي لكل فرد من افراد وزوار ومشرفين الروم بقواعدنا وإلتزاماتنا
تقبلو تحياتي جميعا
أخوكم فراس

أكبر سلطه في الروم هي سلطة وقرارات مدراء الكروب ويمنع منعا نهائيا توجيه اي إساءه لشخصهم من قبل المشرفين لأنهم الأكثر جدارة بإدارة واتخاذ قرارات الروم

ازا مشرف غلط بحقك أو ظلمك لاتروح لعندو تسحبو كروب وتعمل معو مشاكل مارح تستفيد بهالطريقه , خليك اكابر واحسن منو والمفروض بهيك حاله تروح عند مشرف كروب أو مدير الروم وتحكيلو وازا كنت على حق بتاخدو من عيوني

كل مدير كروب أو مشرف بيشوف رفيقو غلط بحق حدا واجب عليه ينبهو للغلط ((بالخاص)) وبشكل أخوي دون اساءه , وبشرط المشرف مايتدخل بقرار مدير الكروب ولو كان على خطأ , وكل شخص كيك أو بند حدا بالغلط المفروض فورا ينط خاص لعند الشخص اللي راح فيها ظلم ويعتذر منو وهالشي واجب مع أنو مافي كيك بالغلط بس ماحدا معصوم وكلنا منخطئ

يرجى عدم طلب إدارة الكروب هاد الموضوع بيخص صاحب الروم فقط

يلي بدو يكيك أو يبند يعد للعشره قبل مايعملها لأنو رح ينسئل ليش كيكت فلان أو بندت فلانه , ويلي رح يكيك أو يبند لخلافات شخصيه رح يطير بدون ماعدلو للعشره

يمنع منعا باتا طرد أي نك متواجد في الروم بشكل صامت إلا في حال إساءته لسمعة الروم ولسنا مسؤولين عن الخاص أو سحب الكروبات لأن الشركه خصصت ميزتين أساسيتين لمنع حدوث ذلك وهي إما استخدام طريقة قفل الخاص أو استخدام ميزة المشغول(بيزي) وهذا كفيل بمنع سحب الكروبات والخاص , لاينط مشرف ينتخي مشان بنت ويبند زائر لأنو حاكاها خاص بركي البنت كذابه بتطجو بلوك وخلصت القصه

يمنع منعا باتا طرد الزوار الأجانب اللذين يتحدثون بلغة أجنبيه إلا إن اساء التصرف

حلو الواحد يدلل حبيبتو قدام الناس ويمرقلها كلمتين غزل بس مو حلو التصرف الزايد عن حدو قدام الناس حبيبتي وعمري ومدري شو متل الولاد , يلي بدو يحكي مع حبيبتو أو تحكي مع حبيبها في عندهم شي اسمو خاص يحكو فيه

يمنع منعا باتا أي حديث سياسي مهما كان أو حتى اشعال شراره صغيره تؤدي لهيك حديث وخصوصا المشرفين يعني مو يتذاكا حدا مثلا ويقول مافي كهربا , لأنو رح نزعجو مين ماكان يكون والكيك بعد التنبيه الاول للمخالفين , ويلي حابب يعبر عن رأيو في رومات تانيه اختصاصها سياسه يروح عليها

الترحيب بالزوار واجب ضروري جدا على المشرفين لأنو أكيد رح يعطي ترحيبك انطباع عن الروم ويصير المستجد بالروم أخ وصديق الك والمقصر رح يتحاسب لأن الاشراف مو لعبه بهالروم بالذات ويلي بدو اشراف لازم يعرف أنو عندو التزامات

كل مشرف بيكون موجود أون لاين وماعم يحكي بالروم مو مشكله بس المهم يخلي اسمو بالروم ولو ما حكى , إن كان بكروب أو كان خاص أو كان وين مابدو المهم يخلي اسمو بالروم

أي مشرف لايحترم زميله في الروم سيعرض نفسه للطرد في حال اساءة التصرف ولو كان أخ وغالي , وازا مشرف زميلك تعرضلك أو زعجك خليك أكبر منو وانت امتص الصدمه ولاتردلو جواب وصدقني مارح تكون غير رضيان

كل زائر يتواجد بالروم باحترام يتم ترشيحه من قبل مدراء الكروب للإشراف ويلي بدو اشراف يخبر مشرفين الكروب وازا بيستاهل أكيد رح ياخد ويصير أخونا ورفيقنا

سيتم سحب إشراف كل مقصر بواجب الروم في حال تبين قلة تواجده فيها أو اهمال الترحيب بالزوار لأن هناك من أحق منه بالإشراف وطبعا رح يضل صدر الروم إلو والعتبه إلنا

يلي بينسحب إشرافو ازا زعل وانطمز مشان اللون الأصفر هوي حر على راحتو , انت داخل مشان رفقاتك ومشان الروم مو داخل مشان اشراف وتتحكم بالعالم , وبكل الأحوال مارح ينسحب إشراف حدا ازا ماكان غلطان

الروم للجميع وملك الجميع لاتتبع أي طائفه أو دين كلنا أخوات وواجب علينا إحترام عادات ومعتقدات الغير

ملاحظه مهمه كتير: ازا كنت على خلاف شخصي مع أي حدا بالروم ولو كان صاحب الروم بتضل الروم رومك وبتدخل وبتطلع ع كيفك طول ما انت محترم

ملاحظه: الإرتقاء بمستوى الحديث وعدم تدني الالفاظ مسؤولية المشرفين (دب,حمار,أجدب) بلاهالألفاظ , لأنو أكيد مابتقبلها لنفسك لتقبلها مزحه مع رفيقك وسيتم التشديد على هذا البند وطبعا رح يكون وقت المزح مزح ووقت الجد جد

دااائما وأبدا التنبيه للمخالف قبل الكيك وقبل البند يعني ازا واحد فايت وعم يقول بدي اتعرف ع صديقه أو حط إعلان روم تاني أو حاطط ترحيب تلقائي منعطيه تنبيه (إنذار)ومنخبرو انو هالشي عنا مزعج أو ممنوع وع فكره مو حرام ازا فات واحد مستجد بدو يتعرف ع صبيه نحنا منفهمو أنو تعرف عأهل الروم وكيف يكون أخ وصديق وبيفهم الاسلوب الصح بالتعامل

في حال وجود أي شكوى يرجى التقدم بها لمدراء الكروب أو مدير الروم وسيتم تلافيها

حطيت هالملاحظات لريحكن وريح حالي من الخاص لسا كل واحد بدو اشراف بينط وبيكون مابيستاهل اشراف أو واحد بيقلي فلان كيكني أو واحد بيقلي عندي مشكله , لك ماحدا عم ينط مشان يسلم عليي كلو بدو طلبات والناس اللي عم يسلمو عم ينظلمو معي لأن ماعم افضى احكي كلمتين على بعضن معهم بسبب الخاص , بعتقد هيك منرتاح وماعاد حدا يغلط إلا بحساب , تقبلو تحياتي



عوده الى الخلف